ماسك الزبدة وميه الورد لعلاج تلف الشعر، الشعر التالف من اكبر المشاكل اللي بتعاني منها البنات في اغلب الاوقات، لانه بيكون نتيجة لعادات غلط في روتين العناية اليومية بالشعر، بالاضافة لاستخدام مستحضرات تجميل رخيصة او غير مناسبة، ومن ابرز مظاهر تلف الشعر التقصف والهيشان والسقوط.
الافراط في استخدام ادوات تصفيف الشعر وتجفيفه، والمنتجات الكيماوية زي الصبغات بترهق الشعر وتضر فروة الرأس، وكمان النظام الغذائي غير الصحي اللي بيلعب دور كبير في تغذية بصيلات الشعر.
الوصفات الطبيعية لو مش بتفيد الشعر يبقى مش بتضره، لكن لازم تراعي انها تحتوي على عنصرين اساسيين زي البروتينات ومضادات الاكسدة، لانهم بيستعيدوا لمعان وبريق الشعر ويجددوا الخلايا ويحموا فروة الرأس من التلف.
لهلوبة بتقدملك النهاردة وصفة سهلة وفعالة لماسك الزبدة اللي بيقوي الشعر ويغذيه:
المكونات:
قطعة زبدة ـ 4 ملاعق كبيرة ماء ورد.
طريقة العمل:
- ندوب قطعة من الزبدة ونخلطها مع ميه الورد.
- ندلك الشعر بالخليط جيدًا.
- نغطي الشعر ببونية لمدة ساعة تقريبًا.
- نغسل الشعر بميه فاترة وشامبو.
- كرري الماسك كل اسبوع لعلاج الشعر التالف.